Category: Ուսումնական գրականություն
8-րդ դասարան
Սովորում ենք, սովորեցնում ընտանիքում
Մասնակիցներ՝ 6-րդ դասարան
Ժամկետը՝ 4-8 մայիսի
Նպատակը՝ Հետաքրքիր դարձնել մաթեմատիկան, հասկանալ , թե ինչքանով են յուրացրել անցած նյութը սովորողները, ոգևորվածության մակարդակը ստուգել, ներգրավել հեռավար-առցանց ուսուցմանը ընտանիքի անդամներին
Ընթացքը՝ Սովորողները ընտրում են ընտանիքի անդամներից որևէ մեկին՝ ըստ իրենց ցանկության: Այնուհետև սովորողը հիշելով մաթեմատիկայի իր ամենասիրած թեման սկսում է այդ թեման պատմել ընտանիքի անդամին՝ ինչպես կպատմեր դասավանդողը սովորողին: Վերջում խնդիր կամ հարց է առաջարկում՝ ստուգելու , նյութը հասկացվել է, թե ոչ: Նախագծի երկրորդ մասում ընտանիքի անդամը վերհիշելով իր մաթեմատիկական գիտելիքները՝ որևէ համապատասխան թեմա է ընտրում կամ որևէ հեշտ յուրացվող բաժին, բացատրում սովորողին, այնուհետև հեշտ 1 առաջադրանք առաջարկում՝ հասկանալու յուրացվածության աստիճանը: Այս ամենը տեսանկարահանվում է: Տեղադրվում է բլոգում:
Ուսումնական գարուն.(6-7-րդ դասարաններ)
Մասնակիցներ՝ 6-7-րդ դասարաններ
Ժամկետը՝ մարտի 23-27
Ընթացքը՝ Սովորողներն ընտրում են 10 պետություն, որոնց բնակիչների շարքում կան կորոնավիրուսով վարակվածներ: Այդ պետությունները լավ կլինի, որպեսզի կորոնավիրուսով վարակվածների աղյուսակի տարբեր հատվածներից ընտրվեն: Աղյուսակից վերցվում են տվյալ երկրի ընդհանուր վարակվածների թիվը, առողջացածների թիվը, հաշվում տոկոսային ցուցանիշը առողջացածների և կազմում տոկոսային տվյալներով համապատասխան շրջանաձև դիագրամ:Վերջում տեղադրում են իրենց բլոգում:
Առցանց ուսուցում(4-րդ դասարան).մարտի 19
Թվի մասը գտնելը
Խնդիր: Անահիտն ուներ 500 դրամ:
Այդ փողի 1/5-րդ մասով նա գնեց 4 գրիչ, իսկ մնացած փողի 1/10-րդ մասով՝ 2 մատիտ:
Վերջում Անահիտը գնեց 1 տետր, որի արժեքը կազմեց իր մոտ մնացած փողի 1/6-րդ մասը:
ա. Որքա՞ն արժե մեկ գրիչը:
բ. Որքա՞ն արժե մեկ մատիտը:
գ. Որքա՞ն արժե մեկ տետրը:
Լուծում:
1. Գտնենք մեկ գրիչի գինը:
Սկզբում պետք է գտնել 500 դրամ փողի 1/5-րդ մասը:
Ստանում ենք՝ 500:5=100
Այսպիսով, 500 դրամ փողի 15-րդ մասը կազմում է 100 դրամ:
Տրված է, որ այս գումարով Անահիտը գնեց 4 գրիչ:
Հետևաբար, մեկ գրիչն արժե՝ 100:4=25 դրամ:
2. Գտնենք մեկ մատիտի գինը:
Գրիչները գնելուց հետո Անահիտի մոտ մնաց 500−100=400 դրամ:
Գտնենք այս փողի 1/10-րդ մասը:
Ստանում ենք՝ 400:10=40
Այսպիսով, 400 դրամ փողի 110-րդ մասը կազմում է 40 դրամ:
Տրված է, որ այս գումարով Անահիտը գնեց 2 մատիտ:
Հետևաբար, մեկ մատիտն արժե՝ 40:2=20 դրամ:
3. Որքա՞ն փող մնաց Անահիտի մոտ:
Գրիչների վրա Անահիտը ծախսեց 100 դրամ:
Մատիտների վրա Անահիտը ծախսեց ևս 40 դրամ:
Գրիչների և մատիտների վրա Անահիտը ծախսեց 100+40=140 դրամ:
Անահիտի մոտ մնաց 500−140=360 դրամ:
4. Գտնենք մեկ տետրի գինը:
Գրիչները և մատիտները գնելուց հետո Անահիտի մոտ մնաց 360 դրամ, որի 1/6-րդ մասով նա գնեց 1 տետր:
Գտնենք 360 դրամի 1/6-րդ մասը:
Ստանում ենք՝ 360:6=60 դրամ:
Պատասխան՝
ա. Մեկ գրիչն արժե 25 դրամ:
բ. Մեկ մատիտն արժե 20 դրամ:
գ. Մեկ տետրը արժե 60 դրամ:
Առաջադրանքներ
Տեսակապ՝
Արշակ Մարտիրոսյան 