Արատեսյան առաջին օրը թեև կիսատ էր, քանի որ կեսօրն անց ենք հասել նշված վայր, բայց հագեցած էր՝ խաղեր, զրույցներ, քննարկումներ, ճաշ, ընթրիք,կենսական պայմանների ստեղծում, որոնք կազմակերպվում էին սովորողների նախաձեռնությամբ:
Category: Հունվարյան ճամբար 2020
Ճամփորդություն դեպի Լևոնի գետնափոր թանգարան
Այսօր՝հունվարի 22-ին ես ու Միջին դպրոցի անգլերենի ուուցչուհի Տաթև Ալեքսանյանը 7-8-րդցիների հետ այցելեցինք Կոտայքի մարզի Առինջ գյուղի Լևոնի անվան գետնափոր թանգարանը: Հիացած հետ ենք վերադարձել: Ուղղակի զարմանք ու հիացմունք ենք ապրել, թե ինչպես կարող է մարդ միայնակ այդպիսի լաբիրինթային ու ձեռակերտ հրաշալիք ստեղծել: Ոչ մի տեխնիկա, ոչ մի օգնություն, միայնակ ստանալ այն , ինչ կա: Այնուհետև այցելեցինք տեղի եկեղեցի, մոմ վառեցինք և վերադարձանք:Ներկայացնում եմ ֆոտոշարք:
Տարածական մարմինների պատրաստում
Այս շաբաթ 4-րդ դասարանցիների հետ իրականացրեցինք մի նախագիծ, որն ավելի շատ պատրաստողական և ճանաչողական կարելի է համարել: Փորձեցինք սովորողների հետ պատրաստել տարածական մարմիններ՝ խորանարդ, ութանիստ, իկոսաեդր, պրիզմա և այլն: Քանի որ նոր գաղափարի մասին էր խոսքը, պետք էր սովորողներին շրջակա միջավայրին նմանեցվող օրինակներ բերել, մարմինների հատկություններին ծանոթացնել և այլն: Այս նախապատրաստական աշխատանքներից հետո, սովորողներին տրվեցին այդ տարածական մարմինների փռվածքները և սկսեցինք աշխատելը: Ի ուրախություն ինձ , սովորողները կարողացան արդյունքի հասնել և ներկայացնել պատշաճ աշխատանքներ:
Իրենց բլոգներում մեկնաբանել են՝
Այցելություն Լևոնի աստվածային գետնափոր թանգարան
Պատասխանատու դասավանդողներ՝ Տաթև Ալեքսանյան․Արշակ Մարտիրոսյան
Կոտայքի մարզ գ․Առինջ Լեւոնի աստվածային գետնափոր թանգարան
Քայլք Առինջ գյուղի Սուրբ Հովհաննես եկեղեցի
Նպատակը և խնդիրները՝
- ճամփորդելու միջոցով ճանաչել և գնահատել պատմամշակութային արժեքները
- թանգարանային մշակույթ
- սովորողների աշխարհագրական, հայրենագիտական, ճամփորդական գիտելիքների զարգացում և ամրապնդում
Քայլերը՝
- մինչև ճամփորդությունը՝ ուսումնասիրել այցելող վայրերը, տեղեկություններ հավաքել տվյալ վայրերի մասին
- պայմանավորվածություն ձեռք բերել
- պլանավորել անելիքները և նախապատրաստվել ճամփորդությանը
Ճամփորդության ընթացքն ամփոփվում է ճամփորդության մասին պատումներով, ֆոտոշարերով, տեսանյութերով, որտեղ արտացոլված կլինեն հավաքագրված տեղեկությունները, դրանք հրապարակել բլոգներում, ենթակայքերում։
Մասնակիցներ՝
- Արտենյան Լուիզա
- Գալստյան Դավիթ
- Դուրգարյան Նարեկ
- Աբգարյան Հրաչյա
- Խեչոյան Հակոբ
- Մանուկյան Նարե
- Բանդուրյան Ասյա
- Միլենա Դանիելյան
- Մինասյան Արսեն
- Հարությունյան Լիլիթ
- Գյուլումյան Էլեն
- Ստեփանյան Գոհար
- Երեմյան Մերի
Երկրաչափական մարմինների տարբերակում և ուսուցում
7.1 դասարանի հետ իրականացրեցինք այսպիսի մի նախագիծ: Քանի որ երկրաչափության դասաժամերը օրեցօր նոր պատկերացումներ են տալիս սովորողներին, որոնք դժվար է կարճ ժամանակում յուրացնել, որոշեցինք օգտվել ճամբարային շրջանից և ուսումնասիրել երկրաչափական մարմինները: Յուրաքանչյուր սովորող ընտրեց իրեն դուր եկած երկրաչափական մարմինը , տեղեկություններ վերցրեց համացանցից և ներկայացրեց մյուսներին: Իհարկե իմ օգնությամբ էր սովորողը ներկայացնում, քանի որ նոր գաղափարների մասին էր խոսքը: Պայման դրվեց նաև, որ կրկնվող նյութեր չպիտի լինեն: Հետաքրքիր էր և ոգևորված էին սովորղները, քանի որ նոր տեղեկություններ կարողացան ամբարել իրենց գիտելիքների պահուստում:
Իրենց բլոգներում լուսաբանել են՝
Թիմային տրամաբանական մրցույթ
Այսօր՝ հունվարի 16-ին 5-րդ դասարանի սովորողների հետ կազմակերպեցինք մրցույթ: Կանոնները հետևյալն էին՝ բաժանվում ենք 3 խմբի՝ 2 խումբը տղաներ և 1 խումբ աղջիկներ: Յուրաքանչյուր խումբ քննարկում և առաջադրում է 3-ական հարց հակառակորդ թիմին: Արագ արձագանքողը 1 միավոր է վաստակում: Պատասխան չհնչելու դեպքում հարց առաջարկած թիմը տալիս է պատասխան: Այնուհետև հաջորդում է ամեն հարցին քննարկումը: Ավարտեցինք և յուրաքանչյուր թիմ արդյունքում ունեցավ 3-ական միավոր և հաղթեցին բոլորը:
Իրենց բլոգներում մեկնաբանել են՝
Տվյալների հավաքագրում, դիագրամների կառուցում
Մեր այսօրվա նախագիծը, որը վերաբերում էր 7.1 դասարանին, իր բնույթով և՛ հաշվարկային էր, և՛ կրկնողական, և՛ հետաքրքիր: Յուրաքանչյուր սովորողի իմ կողմից տրվեցին 4-ական պետությունների անուններ: Ամենքը ըստ նախագծի պիտի իրենց հանձնարարված պետության համար որոշեին բնակչության խտությունը՝ իմանալով պետության տարածքը և բնակչության թիվը, այնուհետև ըստ ստացված տվյալների կառուցեին շրջանաձև դիագրամ: Համեմատելով տրված տվյալները՝ իմանային, թե որ պետությունն ավելի մեծ խտություն ունի: Տեղեկություններ կարող էին հավաքել համացանցից:
Իրենց բլոգներում լուսաբանել են՝
Մեծ մաթեմատիկոսները և ոչ միայն…
5-րդ դասարանի սովորողների հետ այսօր որոշեցինք իրականացնել այսպիսի մի ճանաչողական նախագիծ: Յուրաքանչյուր սովորող համացանցից տեղեկություններ է հավաքում որևէ գիտնականի( մաթեմատիկոս, ֆիզիկոս, աստղագետ և այլն) կյանքի, նրա հայտնագործությունների, կարևոր ձեռքբերումների մասին և պատմում է մնացած սովորողներին: Բայց պատմելու ընթացքում քննրկումներ են տեղի ունենում, հարցեր, ինչու չէ նաև վեճեր: Քանի որ նյութը բավականին շատ էր և ժամանակ էր պահանջում, առաջին օրը սովորեցինք, ապա նոր միայն 2-րդ օրը կիսվեցինք մեր ձեռք բերած գիտելիքներով:
Թալես(մ.թ.ա. 624- մ.թ.ա. 546)
Իրենց բլոգներում լուսաբանել են՝