Ուսումնական չորրորդ շրջանը ես մեկնարկեցի առանց ջոկատի, սակայն հասցրեցի ծանոթանալ գրեթե բոլոր ջոկատների գործունեությանը ու նույնիսկ փոխարինել ջոկատավարներին՝ նրանց հարգելի բացակայության պատճառով:
Մայիսի 31՝ Առաջին օր
Առաջին օրը 1 ժամով փոխարինեցի Լիանա Հակոբյանին ու 8.3 ջոկատի հետ ծանոթացա և , քննարկեցինք իրենց տարվա ընթացքում ձեռքբերումները ու մաթեմատիկական գիտելիքների մակարդակը, սակայն որոշեցինք այլ ասպարեզից փոքր խաղ կազմակերպել: Ընտրեցինք ԴՐՈՇԱՊՈԼԻՍ խաղը, 3 խմբերի բաժանվեցինք ու խաղացինք: Վերջում շատ երկրների դրոշներ գուշակած մասնակիցը հաղթող համարվեց: Շատ հետաքրքիր ու բազմաբովանդակ սովորողներ են 8.3 դասարանցիները:
Հունիսի 1՝ Երկրորդ օր
Այսօր փոխարինեցի Ստելլա Մնացականյանին: Ջոկատը հիմնականում 8.5 դասարանի սովորողներից էր կազմված ու մի քանի սովորող էլ 6-րդ դասարանից:Միտքը զարգացնող խաղերով զբաղվեցինք: Այն սովորողները, ովքեր իրենց պատմության տեսանկյունից էին լավ զգում, պատմական խաղեր խաղացին: Ունեցա նաև ընտր. գործունեության դասաժամ, որի ընթացքում մեր ծրագրի վրա էինք աշխատում: Պիտի Ֆեյսբուք սոցիալական կայքի արտաքին էջը պատրաստենք: Օրը հետաքրքիր անցավ:
Հունիսի 2-4՝ Երրորդ,չորրորդ, հինգերորդ օրեր
Քանի որ տիկին Մելքոնյանը ճամփորդության էր մեկնել, 7.7 ջոկատի գործունեության եռօրյա կազմակերպումը տրվեց ինձ: Սովորողներին ես արդեն ծանոթ էի դեռևս Հարավային դպրոցում աշխատելու տարիներից: Նրանց հետ հեծանվավարություն արեցինք, գնդակով տարբեր խաղեր կազմակերպեցինք: Ընթացքում չշեղվելով իմ մասնագիտությունից, առաջարկում էի մաթեմատիկական փոքր խնդիրներ, որոնք դժվարություն չեն ներկայացնում: Հինգշաբթի ունեինք նաև ընտր. գործունեության դասաժամ, որի ընթացքում մեր ծրագրի վրա էինք աշխատում: Պիտի Ֆեյսբուք սոցիալական կայքի արտաքին էջը պատրաստենք:
Հունիսի 8՝ Յոթերորդ օր
Փոխարինեցի Հասմիկ Իսրայելյանի 7.3 ջոկատին, այսօր հիմնականում հսկողի դերում էի,քանի որ սովորողներին հանձնարարված էր խնդրագիրք պատրաստել:
Հունիսի 9՝ ՈՒթերորդ օր
Փոխարինեցի Մերի Սարգսյանի 7.1 ջոկատին: Ջոկատավարը հանձնարարություն էր տվել, աշխատում էին իրենց նախագծերի վրա:
Հունիսի 10՝ Իններորդ օր
Նախագծային աշխատանքով մտա Արևիկ Ներսիսյանի ջոկատ, մաթեմատիկական տրամաբանական խաղեր խաղացինք, սովորողները ոգևորված էին, ժամը շատ լավ անցավ ,քանի որ իմ սովորողներին էին, որոնց հետ ամբողջ տարին աշխատել էինք: Հաջորդ 1 ժամը Հասմիկ Թոփչյանի ջոկատի հետ էինք: Քանի որ Միջին դպրոցի 2 դասարաններ ֆուտբոլային հանդիպման էին, ջոկատով միացանք ու դիտեցինք խաղը:
Հունիսի 12-14՝ Ճամփորդություն դեպի Դիլիջան