Մայիսի 25-հունիսի 5
4-րդ դասարան
Քանի որ ուսումնական շրջանը ավարտել ենք և բավականին ինֆորմացիա ունենք կուտակած, նաև 4-րդ դասարանի սովորողները բավականին հաճույքով էին կատարում դեռևս դպրոցում <<Քան ակադեմիայի>> առաջադրանքները, կշարունակենք այդ ուղղությամբ աշխատանքները, քանի որ այն հնարավարություն է տալիս միավորների քանակը տեսնելու և դասարանի մակարդակով հորիզոնական զբաղեցնելու:
Նաև կօգտվենք learningapps.org/createApp.php կայքից և կստեղծենք <<Ով է ուզում դառնալ միլիոնատեր խաղը>>:
Կիրականացնենք մի թեթև նախագիծ՝ Ըստ նախագծի սովորողներից յուրաքանչյուրը կվերցնի սպիտակ թուղթ , նրա վրա քանոնով և մատիտով ինչ-որ պատկեր կնկարի(այն կարող է լինել մի քանի ուղղանկյուններ իրար վրա դրված, կամ ցանկացած պատկեր), այնուհետև հաշվելով սանտիմետրերով կողմերը կստանա նրա պարագիծը, վերջում կդարձնի այն միլիմետր:
Արդյունքներ(Ով է ուզում դառնալ միլիոնատեր)՝
5-րդ դասարան
5-րդ դասարանի հետ կուսումնասիրենք learningapps.org/createApp.php կայքը,որը հնարավորություն է տալիս, ինտելեկտուալ խաղեր կազմակերպել, կուսումնասիրենք այն, յուրաքանչյուրս հետաքրքրաշարժ և տրամաբանական հարցեր կընտրենք և վերջում մրցույթ կկազմակերպենք առցանց՝ 5-րդ դասարանի սովորողների հետ:
Արդյունքներ՝
6-րդ դասարան
6-րդ դասարանի հետ կշարունակենք մեր խաչբառերի նախագիծը: Այս անգամ խաչբառերում կընդգրկենք տրամաբանական հարցեր ցանկացած ասպարեզից: Կընտրենք լավագույն հարցերով ու հետաքրքրաշարժ հարցերը ու միասին կլուծենք խաչբառը:
Արդյունքներ՝
7-րդ դասարան
7-րդ դասարանի հետ կհետևենք թագավարակով վարակված երկրների տվյալները և կկազմենք համապատասխան դիագրամ՝ընտրելով 10 երկրի տվյալներ: Բացի այդ մեկ այլ դիագրամ էլ կկազմենք՝ բուժվածների տվյալներով:
Համապատասխան ցուցանիշները կարելի է գտնել հետևյալ կայքում՝ https://www.worldometers.info/coronavirus/
Մայիսի 18-22.ամփոփում
Ուսումնական հեռավար ուսուցման վերջին շաբաթն էր, որի ընթացքում ավարտին հասցրեցի իմ նախատեսած նյութերի մատուցման գործընթացը: Բոլոր դասարանների հետ աշխատանքը կատարված է:
4-րդ դասարանի հետ մաթեմատիկայի ստուգատեսին նվիրված աշխատանքներով էինք զբաղված:
5-րդ դասարանի հետ շարունակեցինք <<Խառը թվեր>> թեման ու գործողություններ սկսեցինք կատարել վերջինիս միջոցով:
6-րդ դասարանի հետ <<Տասնորդական կոտորակների կլորացում>> թեմայով ավարտեցինք:
7-րդ դասարանում 2 տեսադաս Հանրահաշվին էինք տվել այս շաբաթ՝ <<Ֆունկցիայի գրաֆիկ>>-ի կառուցման համար և 1 տեսադաս երկրաչափությանը՝ կրկնության համար: Սովորողների կողմից ուղարկված նամակներին եմ պատասխանել:
4-րդ դասարանի մաթեմատիկայի ստուգատես
Հեռավար-առցանց ուսուցման վերջին 2 շաբաթները նվիրել ենք մաթեմատիկայի ստուգատեսի անցկացմանը: Իմ կողմից տրվել են թեստեր՝ 1 հատն ինքնուրույն կատարել են սովորողները, որը իմ կողմից ստուգվել ու ուղարկվել է սովորողներին: Դրան հաջորդող տեսադասը նվիրել ենք այդ թեստի քննարկմանը: Իսկ մյուս թեստերը առցանց քննարկել ու կատարել ենք՝ ստուգելով մեր ամբողջ ուսումնական տարվա գիտելիքների մակարդակը:
Մայիսի 11-15.ամփոփում
Շաբաթը սկսեցինք տեսադասերով , քննարկումներով: Տեսակապերի ընթացքում ի մի բերեցինք նախորդ շաբաթվա ընթացքում կատարվածները, թերությունները շտկեցինք: Նախատեսված էին նաև հետևյալ աշխատանքերը, որը կատարեցինք մեծ ոգևորությամբ:
Գրել եմ հոդված առցանց ուսուցման կազմակերպման մասին:
Առցանց ուսուցում(մարտի 30-Մայիսի 22).6-րդ դասարան
Մայիսի 20.Տասնորդական կոտորակների կլորացումը
Տեսակապ 16
Առցանց քննարկվող՝ 1197 ա, գ, դ, թ 1198 ա, գ, ե, ժ, 1199 ա, գ, 1202 ա,գ, 1204 ա,գ, 1221
Տնային առաջադրանքներ՝1197-1204(չկատ.).,1218,1219
Մայիսի 18.Տասնորդական կոտորակների բաժանումը
Տեսակապ 15
Առցանց քննարկվող՝ 1174 ա, գ, դ, թ 1175 ա, գ, ե, ժ, 1177 ա, գ
Տնային առաջադրանքներ՝1174-1175 (3 հատ).,1177(3 հատ),1182(3 հատ), 1187
Մայիսի 11.Տասնորդական կոտորակների բազմապատկումը
Տեսակապ 14
Առցանց քննարկվող՝ 1148 ա, գ, ե, է, 1150 ա, գ, ե, է, 1152 ա, գ,ե, է, 1155, 1156 ա,գ ,1157 ա, գ,ե,1158 ա, գ, ե, 1167,
Տնային առաջադրանքներ՝1148-1158 մնաց.,1131, 1133 բ, 1140, 1169
Մայիսի 11.Տասնորդական կոտորակների հանումը
Տեսակապ 13
Առցանց քննարկվող՝ 1124 ա, գ, ե, 1126 ա, գ,ե, 1128 ա, գ,ե, 1130 ա,գ ,1132 ա, գ,ե,1133 ա, 1141, 1142
Տնային առաջադրանքներ՝1124-1130 մնաց.,1131, 1133 բ, 1140,1143
Ապրիլի 30.Տասնորդական կոտորակների համեմատումն ըստ նրանց դիրքային գրառման
Տեսակապ 12
Տեսություն՝
Համեմատենք 0,532 և 0,54 տասնորդական կոտորակները: Հավասարեցնենք տասնորդական թվանշանների քանակը:
0,54 թվին աջից ավելացնենք զրո: 0,532 և 0,540 տասնորդական կոտորակները, որոնցում ստորակետից հետո կան հավասար քանակով թվանշաններ:
Տասնորդական կոտորակները գրենք սովորական կոտորակների տեսքով:
0,532=532/10000, 540=540/1000
Կոտորակների հայտարարները հավասար են:
Նույն հայտարարներով երկու սովորական կոտորակներից մեծ է ավելի մեծ համարիչ ունեցող կոտորակը:
Քանի որ 532<540, ապա 532/1000<540/1000, և ուրեմն՝ 0,532<0,540 կամ՝ 0,532<0,54
Երկու տասնորդական կոտորակները համեմատելու համար պետք է սկզբում, կոտորակներից մեկին աջից զրոներ կցագրելով, հավասարեցնել նրանց տասնորդական թվանշանների քանակները, ապա անտեսելով ստորակետները, համեմատել ստացված բնական թվերը:
Տասնորդական կոտորակները կարելի է համեմատել նաև կոտորակների դիրքային կարգերի թվանշանները համեմատելու միջոցով:
15,73 և 4,889 կոտորակներում բավական է համեմատել նրանց ամբողջ մասերը: Քանի որ, 15>4, ապա 15,73>4,889: Կոտորակային մասերը դեր չխաղացին:
531,437 և 531,537 կոտորակների ամբողջ մասերը հավասար են: Այդ դեպքում պետք է համեմատել դրանց կոտորակային մասերը՝ 531,437<531,537
1) Տարբեր ամբողջ մասերով երկու դրական տասնորդական կոտորակներից ավելի մեծ է այն կոտորակը, որի ամբողջ մասն ավելի մեծ է:
2) Հավասար ամբողջ մասերով երկու դրական տասնորդական կոտորակներից ավելի մեծ է այն կոտորակը, որի կոտորակային մասն ավելի մեծ է:
Ռացիոնալ թվերի համեմատման կանոններից բխում է, որ՝
1) երկու բացասական տասնորդական կոտորակներից ավելի մեծ է այն կոտորակը, որի բացարձակ արժեքն ավելի փոքր է:
2) Ցանկացած դրական տասնորդական կոտորակ ավելի մեծ է ցանկացած բացասական տասնորդական կոտորակից:
Առցանց քննարկվող՝ 1101 ա, գ, ե, 1102 ա, գ,ե, 1103 ա, գ,ե, 1104 ա,գ ,1111, 1113 ա,գ,
Տնային առաջադրանքներ՝1101-1104 մնաց.,1112 ա, 1113 մնաց,
Ապրիլի 29.Միևնույն նշանն ունեցող տասնորդական կոտորակների գումարումը
Տեսակապ 12
Առցանց քննարկվող՝ 1076 ա, 1078 ա, գ,ե, 1079, 1080 ա, գ,ե, 1083, 1093, 1094
Տնային առաջադրանքներ՝1076 մնաց., 1077, 1078-1080 մնաց., 1081, 1090,1095
Ապրիլի 23.Միևնույն նշանն ունեցող տասնորդական կոտորակների գումարումը
Տեսակապ 11
Տեսանյութ՝
Առցանց քննարկվող՝ 1071 ա, գ,ե, 1072 ա, գ,ե, 1074 ա, գ,ե, 1075 ա, գ,1085 ա, գ,1086 ա, գ,1087
Տնային առաջադրանքներ՝1071-1075 մնաց., 1085-1086 մնաց.,
Ապրիլի 20.Քննարկումներ նոր նախագծի վերաբերյալ
Տեսակապ 10
Ապրիլի 16.Սովորական կոտորակների հիմնական հատկությունը
Տեսակապ 9
Առցանց քննարկվող՝ 1051 ա, գ,ե, 1052 ա, գ,ե, 1055,1061, 1064, 1065, 1068
Տնային առաջադրանքներ՝1051-1052 մնաց., 1056, 1063, 1066, 1067
Ապրիլի 13.Սովորական կոտորակների հիմնական հատկությունը
Տեսակապ 8
Տեսություն՝
Տասնորդական կոտորակի ներկայացումը սովորական կոտորակի կամ խառը թվի տեսքով
Չնայած, որ գործնականում ավելի հաճախ կիրառվում են տասնորդական կոտորակները, սակայն այն խնդիրներում, որտեղ միաժամանակ մասնակցում են սովորական և տասնորդական կոտորակներ, պետք է բոլոր կոտորակները բերել միևնույն տեսքի (սովորականները գրել տասնորդականների տեսքով, կամ հակառակը):
Մենք գիտենք, որ ցանկացած տասնորդական կոտորակ գրվում է սովորական կոտորակի տեսքով, սակայն ոչ բոլոր սովորական կոտորակներն են բերվում տասնորդական կոտորակների:
Տասնորդական կոտորակների գրառումը սովորական կոտորակների տեսքով
Ցանկացած տասնորդական կոտորակ կարելի է գրել սովորական կոտորակի տեսքով:
Դրա համար պետք է՝
1) սովորական կոտորակի համարիչում գրել տասնորդական կոտորակում ստորակետից հետո եկող թիվը,
2) սովորական կոտորակի հայտարարում գրել 10,100,1000, … կարգային միավորներից այն մեկը, որում, մեկից հետո գրված են այնքան զրոներ, որքան թվանշաններ կան տասնորդական կոտորակում ստորակետից հետո:
0,3, 0,17, 0,231, 0,0007 տասնորդական կոտորակները գրենք սովորական կոտորակների տեսքով:
0,3 -ում ստորակետից հետո կա մեկ թվանշան, ուրեմն սովորական կոտորակի հայտարարում պիտի լինի 10
0,17 -ում ստորակետից հետո կա երկու թվանշան, ուրեմն սովորական կոտորակի հայտարարում պիտի լինի 100 և այլն:
0,3=3/10
0,17=17/100
0,231=231/1000
0,0007=7/10000
Եթե տասնորդական կոտորակը ունի զրոյից տարբեր ամբողջ մաս, ապա ստանում ենք խառը թիվ, որի ամբողջ մասը հավասար է տասնորդական կոտորակի ամբողջ մասին:
Առցանց քննարկվող՝ 1047 ա, գ,ե, 1048 ա, գ,ե, 1049 ա, գ,ե, է, 1050 ա, գ,ե, 1057, 1060 ա, գ,ե,
Տնային առաջադրանքներ՝1047-1050 մնաց., 1058, 1060 մնաց.
Ապրիլի 9.Ընտանեկան նախագիծ
Տեսակապ 7
Ինքնաստուգում
Ապրիլի 8.Տասնորդական կոտորակների դիրքային գրառումը
Տեսակապ 6
Քննարկվող առաջադրանքներ՝ 1023 ա,գ,ե,է, 1024 ա,գ, 1025 ա,գ,ե,է, 1026 ա,գ,
1032ա,գ, 1033, 1039,1041
Տնային առաջադրանքներ՝ 1023-1026(մնաց.), 1032բ,դ, 1034,1038,1040
Վարժություններ im dproc կայքից
Տեսակապ 5
Ապրիլի 6.Տասնորդական կոտորակների դիրքային գրառումը
Տեսություն՝
Ինչպես ամբողջ թվերի համար, տասնորդական կոտորակների համար ևս կարելի է կիրառել դիրքային գրառում:
Համարիչում ստորակետով աջից անջատենք այնքան թվանշան, որքան զրո կա հայտարարում:
Օրինակ
843/10=84,3
2037/100=20,37
Հիմա դիտարկենք այն դեպքը, երբ համարիչի թվանշանների քանակը փոքր է հայտարարի թվանշանների քանակից:
Համարիչին ձախից զրոներ կցագրելով, հավասարեցնում ենք համարիչի և հայտարարի թվանշանների քանակները և գալիս ենք արդեն դիտարկված դեպքին:
Օրինակ
96/100=096/100=0,96
321/10000=00321/10000=0,0321
Տասնորդական կոտորակը բաղկացած է ամբողջ մասից (բոլոր թվանշանները մինչև ստորակետը) և կոտորակային մասից(բոլոր թվանշանները ստորակետից հետո):
Ցանկացած թվանշանի դիրքը տասնորդական կոտորակում կարևոր է, այն որոշում է թվանշանի կարգը:
Տասնորդական կոտորակի ամբողջ մասիկարգային միավորները նույն են, ինչ որ բնական թվերինը՝ միավորներ, տասնավորներ, հարյուրավորներ և այլն:
Կոտորակային մասիկարգային միավորները որոշում են այսպես՝ տասնորդականներ (ստորակետից անմիջապես հետո եկող կարգը), հարյուրերորդականներ (ստորակետից հետո եկող երկրորդ կարգը), հազարերորդականներ (ստորակետից հետո եկող երրորդ կարգը) և այլն:
Քննարկվող առաջադրանքներ՝ 1016 ա,գ,ե,է, 1017 ա,գ,ե,է, 1020, 1021 ա,գ,1022 ա,գ, 1030, 1031ա,գ,
Տնային առաջադրանքներ՝ 1016-1017(մնաց.), 1019,1021-1022(մնաց.),1031բ,դ,
Վարժություններ im dproc կայքից
Տեսակապ 4
Ապրիլի 2.Տասնորդական կոտորակներ
Տեսանյութեր՝
Առաջադրանքներ՝ Քննարկումներ, վարժություններ im dproc կայքից, Քան ակադեմիա կայքից,956-960առաջ.
Տեսակապ 3
Ապրիլի 1.Տասնորդական կոտորակներ
Տեսություն՝
Մենք հաճախ ենք հանդիպում 10, 100, 1000, … հայտարարներով կոտորակներ:
Օրինակ՝ 1 գ =1/1000 կգ, 1 մմ =1/10 սմ, 4 սմ 3 մմ =4 3/10 սմ և այլն:
Այն կոտորակը, որի հայտարարը մեկից տարբեր կարգային միավոր է, կոչվում է տասնորդական կոտորակ:
Տասնորդական կոտորակների հայտարարները 10,100,1000, … թվերն են:
Օրինակ
37/100,−21/310,388/1000 թվերը տասնորդական կոտորակներ են:
Այն դրական տասնորդական կոտորակը, որի համարիչը 1 է, կոչվում է համակարգային տասնորդական կոտորակ:
Համակարգային տասնորդական կոտորակներից ամենամեծը 110-ն է: Համակարգային տասնորդական կոտորակները կարելի է գրել նվազման կարգով՝
1/10,1/100,1/1000,1/10000,…
Այս շարքում յուրաքանչյուր կոտորակ 10 անգամ մեծ է հաջորդից:
Օրինակ՝
10 1/100=10/100=10/10⋅10=1/10
Ինչպես որ կարգային միավորների միջոցով գրում են բնական թվերը, այնպես էլ տասնորդական կոտորակները գրվում են բնական թվերի և համակարգային տասնորդական կոտորակների միջոցով:
Ցանկացած կանոնավոր տասնորդական կոտորակ կարելի է գրել համակարգային տասնորդական կոտորակների միջոցով:
Օրինակ՝
37/100=(30+7)/100=30/100+7/100=(3⋅10)/100+7/100=(3⋅1)/10+(7⋅1)/100
Առաջադրանքներ՝ 985-1007 վարժութ.,(մնաց. ինքնուրույն),վարժություններ im dproc կայքից, Քան ակադեմիա կայքից
Արդյունքներ՝
Տեսակապ 2
Մարտի 30.Հավասարումներին հանգող խնդիրների լուծումը
Առաջադրանքներ՝ Քննարկումներ, վարժություններ im dproc կայքից, Քան ակադեմիա կայքից
Արդյունքներ՝
Ապրիլի 6-ապրիլի 15
Քննարկվող ուղղությունները՝
1.Տասնորդական կոտորակներ
2.Քան ակադեմիա կայքից առաջադրանքների կատարում
3.Իմ դպրոց կայքից առաջադրանքների կատարում
4.Հետազոտական նախագիծ կորոնավիրուսի ցուցանիշների վերաբերյալ
Հարցերի դեպքում գրել՝ arshakmartirosyan@mskh.am հասցեին
Խաչբառի, փազլի ստեղծում
Հեռավար-առցանց ուսուցման ամբողջ ընթացքում ուսումնասիրել և ուսումնասիրում եմ առցանց ուսուցման տարբեր գործիքներ, ծրագրեր, կայքեր:
Մի դասավանդողի դիտարկումներ առցանց ուսուցման վերաբերյալ
Քանի որ մեր մոլորակը այս օրերին դեռևս համաճարակային ցմցման մեջ է, մենք՝ բնության ենթականերս ապրում, աշխատում ենք բևեռացված ու բաժանված աշխարհում: Իրավիճակի թելադրանքով՝ որդեգրել ենք գործունեության մի նոր տեսակ , որը իր բնույթով կարելի է համարել և՛ ռիսկային, և՛ շահավետ, և՛ պայթյունավտանգ: Տեսակը բոլորիս հայտնի հեռավար առցանց ուսուցումն է: Բայց այստեղ հարց է առաջանում՝ որքանով են օգնում այսպիսի առցանց մեթոդները մեր ապագա սերնդին: Սա բավականին փխրուն մի թեմա է, որը կարծես թե սկսում է հասարակության մի ստվար զանգվածի դուր գալ և նրանք առաջ են քաշում միտք.<<Համաճարակից հետո լավ կլինի աստիճանական անցնենք հեռավար-առցանց ուսուցման մեթոդին >>: Այսպիսի մտքերը սարսափեցնող կարելի է համարել: Ինչպես կարելի է թեկուզ սովորական շփումը, ընկերությունը, նախկին կյանքը փոխարինել նստակյաց ու մեկուսի մի իրավիճակի: Ուսուցման գործընթացի համար անմիջական շփումը շատ կարևոր է: Դասավանդողի դեմքի արտահայտությունը, շարժուձևն են կենդանացնում դասը, իսկ այդ դեպքում սովորողն ավելի անմիջական է շարադրում իր հարցերը:
Այս ամենը հաշվի առնելով ունեցա բաց-դաս քննարկում 6-րդ դասարանի հետ, հետաքրքիր էր լսել նրանց կարծիքը: Բոլորը միաբերան նշում էին կարոտն առ դպրոց, ընկերներ, շփում: Ոմանք էլ նշում էին , թե դժվարությամբ են ընկալում նյութն այս կերպ: Վերջին մտքի վրա եմ ուզում կանգ առնել: Ինչքանով է մեզանում հեռավար-առցանց ուսուցումը արդյունք ապահովում: Գիտական տեսանկյունից կրթություն ստանալու այս ձևն ավելի մեծ հնարավորություններ է ընձեռում։ Ցավով պիտի նշեմ, որ այս ձևաչափում կազմակերպվող դասերին սովորողների մի հատված չի ներգրավվում: Ի զարմանս ինձ (քանի որ բոլորս գիտենք , որ ՄՍԿՀ-ում յուրաքանչյուր սովորող անպայման թվային գործիք պիտի ունենա) պատճառաբանվում է գործիքի բացակայությունը: Սովորողների մի հատված տեսակապին միանալու ընթացքում համակարգչի տեսախցիկը չի միացնում. պատճառաբանվում է անսարքությունը: Կարծում եմ մի քիչ հեռատես լինելն անգամ բավական է ենթադրելու , թե ինչու են կյանքի կոչվում այդպիսի գաղափարները(համակարգչով խաղալ, միանալ կապին ու այլ զբաղմունք գտնել և այլն): Սրանք միանշանակ բացասական կողմերն են: Իմ փորձից նաև առավելությունն եմ ցանկանում նշել: Ի ուրախություն ինձ՝ հեռավար ուսուցման այս ձևի շնորհիվ ծնողների մեծամասնությունը անմիջական մասնակցություն է ունենում իրենց երեխաներին կրթելու, դաստիարակելու գործում: Սովորողներ ունեի ուստարվա ընթացքում , որ գրեթե ոչինչ չէին անում, կոպիտ ասած գիտելիք ասվածն իրենց չէր հետաքրքրում: Այս մեթոդի շնորհիվ ոչ միայն տեսակապին են պարտաճանաչ միանում, այլև հանձնարարված առաջադրանքները, նախագծերը մեծ ոգևորությամբ կատարում են: Հատկապես Միջին դպրոցի առումով է պատկերն ավելի բնութագրող: Իհարկե տեսակապի ընթացքում նույնիսկ ծնողի շշուկով ձայներն են լսելի լինում, բայց դա միայն ուրախացնող է, չէ որ ծնողը անմիջական մասնակիցն է դառնում , գիտելիք ստացողը, գիտելիք տվողը: Այսպիսի մի խոսք կա.<<Վատ ուսուցիչը մատուցում է ճշմարտությունը, լավը սովորեցնում է գտնել այն>>: Չեմ ուզում միայն այսպես ասած մեղքը բարդել կրթության այս տեսակին, կրթություն տվողից է միայն արդյունքը շոշափելի դառնում: Մեր իրականության մեջ շատ դասավանդողներ տեսության են վերածում դասը, ամբողջ դասը դասախոսության են վերածում՝ սովորողին լսելը, խնդիրներ բարձրաձայնելը մղվում է երկրորդական պլան: Սա վատ տենդենց է, որը գուցե մեզ այդքան էլ չի սպառնում (ՄՍԿՀ-ին), քանի որ այսպիսի պահպանողական արժեքներ պատկառելի տարիքի տեր դասավանդողների են հատուկ:Ինչպես կարելի է հնարավորություն չտալ սովորողին լինել հեղինակ, նախաձեռնող, իր սեփական կարծիքն արտահայտող անհատականություն: Սրանք նրբություններ են, որոնք թվում են, թե մանրուքներ են և ոչնչի վրա չազդող լոկ սուբյեկտիվ մտքեր, բայց այս մտքերն են, որոնք ձևավորում են դեռահասի, պատանու ԵՍ-ը: Վերջին արծարծված մտավախությունս ոչ միայն հեռավար-առցանց ուսուցմանն էր հատուկ, այն հատուկ էր նաև սովորական մեթոդով դասապրոցեսի կազմակերպման ընթացքին: Այս ամենը վկայություն է նրա մասին, որ դեռ լրացնելու բացեր կան: Սրանք դիտարկումներ են, որոնք ես հասցրեցի վերուծել իմ մտքի և հետագա աճի կատարելագործման համար:
Վերջում պիտի նշեմ, որ առցանց կամ սովորական մեթոդների միջև ընտրության դեռևս հնարավորություն չկա, որովհետև <<ամենակարող>> մարդը մեկ անգամ ևս համոզվեց, որ բնությունն անհաղթելի է, և նա մեզ պարտադրում է ընտրել առաջին տարբերակը: Իսկ մնացածը այստեղից ծնվող հարցեր են: Միայն վստահաբար կարելի է ասել՝ ուղեղը ի վիճակի չէ ուշադրություն դարձնել ամեն ինչի, ոչ հետաքրքիր, ձանձրալի կամ էմոցիոնալ, մռայլ դասերը պարզապես չի հիշում: Ուրեմն եկեք այս դժվարին պահին հետաքրքիր ու անմոռանալի դարձնենք մեր սովորողների առօրյան՝ հիշելով, որ նրանք տանը նստած արդեն կորցրել են իրենց կյանքի 1 հրաշալի գարուն, հնարավոր է նաև ամառ:
Մայիսի 4-8.ամփոփում
Մայիսյան շաբաթը տարբերվում էր իր բնույթով՝ այն ավելի քննարկումների, բաց դասերի շաբաթ էր, որը բավականին հագեցած օրակարգ ուներ ու հետաքրքիր էր: Ունեցանք հանդիպումներ 4-7-րդ դասարանների հետ: 4-րդ դասարանի հետ սկսել ենք մի նախագիծ, որը տրամաբանական բնույթ ուներ: Լուցկիներով առաջադրանք, որը սովորողների մեծամասնության կողմից շատ սիրվեց: 5-րդ դասարանի հետ ուսումնասիրեցինք կոտորակների բազմապատկում, բաժանում թեմաները: 6-րդ դասարանի հետ ունեցանք քննարկում, բաց դաս, որը վերաբերում էր մեր կողմից նոր ուսումնասիրվող մաթեմատիկական փազլ, խաչբառ թեմաների պատրաստմանը: 7-րդ դասարանի հետ առարկայական քննարկումներ ունեցանք հանրահաշիվ, երկրաչափություն առարկաներից: Բացի այդ ես մասնակցեցի Լիանա Հակոբյանի կազմակերպած բաց դաս քննարկմանը, իմ՝7.1 դասարանի սովորող Մանան Սեմիրջյանի մայրիկի ղեկավարությամբ իրականացված բաց դասին, որը վերավերում էր <<Սասնա ծռեր>> էպոսին: Ուղղակի հիացմունքս չեմ կարող չնշել ընթացքի մասին: Ստուգեցի նաև մաթեմատիկայի ֆլեշմոբում իմ սովորողների առաջադրանքները: Ամենօրյա աշխատանք՝ պատասխանում եմ սովորողների նամակներին:
Մաթեմատիկական փազլ, խաչբառ, քննարկումներ
Հեղինակային կրթական ծրագրի հեղինակների ստեղծագործական առցանց հավաք:
Բաց դաս-քննարկում
Մայիսի 8, ժամը՝ 13:00 հղումը՝
Մասնակիցներ՝ Միջին դպրոցի սովորողներ, ընտանիքի անդամներ, դասավանդողներ, հյուրեր:
Թեմա՝ Մաթեմատիկական փազլ, խաչբառեր:
Մայիսի 8, ժամը՝ 13:00 հղումը՝
Մասնակիցներ՝ Միջին դպրոցի սովորողներ, ընտանիքի անդամներ, դասավանդողներ, հյուրեր:
Թեմա՝ Մաթեմատիկական փազլ, խաչբառեր:
Դասը վարելու են սովորողները, ընտանիքի անդամները /ծնող. քույր, եղբայր, տատիկ, պապիկ/:
Մաթեմատիկական փազլ
Մաթեմատիկական խաչբառ
Դասի ընթացքը:
Սովորողները, ներկայացնում են իրենց պատրաստած փազլը, որոնք կազմել են ծնողների հետ,խոսում են իրենց պատրաստած խաղի ընթացքի մասին, ինչ ծրագրով են աշխատել, ներկայացնում են խաղի ընթացքը:
Սովորողների կազմած խաղերը կարող եք տեսնել այստեղ:
Ընտանիքի անդամները՝ ներկայանալով ընտանեկան դպրոցի ղեկավարներ ներկայացնում են սովորողի ամփոփ աշխատանքները մարտ-ապրիլ ամիսներին:
Այնուհետև միասնական կընտրենք որև փազլ կամ խաչբառ և միասին կլուծենք, կքննարկենք :
Օրվա լուսաբանող՝
