Մայիսյան հավաք

Մասնկիցներ՝ 4-րդ և 5-րդ դասարանի սովորողներ

Ժամկետը՝ Մայիսի 13-17

Նպատակ՝ ամփոփել 2018-2019 ուսումնական տարին

Ուղղություններ(4-րդ դասարան)

• Ֆլեշմոբյան խնդիրների լուծում, քննարկում
• Ընդհանրացված թեստերի կատարում
• Վիկտորինա-խաղեր
• Մայիսի վերջին իրականացվող ճամփորդության հետ կապված կատարել քննարկում:
• Քննարկում իրականացնել՝ կապված մաթեմատիկայի հունիսյան քննության հետ

Ուղղություններ(5-րդ դասարան)

• Վիկտորինա-խաղեր
• Ֆլեշմոբյան խնդիրների լուծում, քննարկում
• Հիշելով անցած թեմաները՝ կատարել բլից հարցում: Ամեն սովորող հարց է ուղղում անցածից իր ընտրած սովորողին, սխալ պատասխանի դեպքում ինքը բացատրում ամբողջ դասարանին
• Ինքնաստուգման առաջադրանքներ(տարվա կտրվածքով)
• Մայիսի վերջին իրականացվող ճամփորդության հետ կապված կատարել քննարկում:

Մայիսյան նախագծեր

1.Ուսումնական ճամփորդություն դեպի Արատես

2.Կոմունալ հաշվարկների պարբերական նախագիծ(մասնակիցներ՝ 5.2 դասարան)

3.Դպրոցի հատակագծի վերաբերյալ նախագծի ավարտում(մասնակիցներ՝4-րդ դասարան)

4.Միջդասարանական ինտելեկտուալ մրցույթ(մասնակիցներ՝ 4-5-րդ դասարաններ)

Ապրիլի 26, ամփոփում

    Օրը նախագծային էր, տրամադրությունը՝ բարձր: Մարմնամարզության պարապմունքից հետո անմիջապես անցանք նախագծի իրականացմանը: Կազմակերպել էինք խաղեր, հարցեր, իհարկե հիմքում դնելով մրցույթի գաղափարը: Մեզ միացան նաև հանրակրթական տարբեր դպրոցերից ժամանած ուսուցիչներ: Բաժանվեցինք 6 խմբի ինչպես նշվել էր և անցանք գործի: Ամեն մի խմբին միացան 1-ական ուուցիչներ և սկսեցինք: 1-ին փուլը բավականին հեշտ էր և պարունակում  էր պարզ , մաթեմատիկական հարցեր: Խմբային քննարկման միջոցով տրվեցին պատասխաններ: 2-րդ փուլը փայտիկներով խաղն էր, որն ըստ պահանջի վերափոխում էին սովորողները: 3-րդ փուլում տրամաբանական հարցեր էին և հանելուկներ: 4-րդ փուլում՝ սպորտից և աշխարհագրությունից էին: 5 -րդ փուլում մտքի ճկունություն ստուգող հարցեր էին, իսկ 6-րդ փուլում 2 ոչ հեշտ մաթեմատիկական հարցեր,սակայն վերջինս անավարտ մնաց: Փուլերից հետո ամփոփվեցին արդյունքները:

 

This slideshow requires JavaScript.

Իրենց բլոգներում լուսաբանել են՝

Գուրգեն Մանուկյանը

Մարի Սարգսյանը

Տաթև Մամիկոնյանը

Արսեն Գևորգյանը

Արա Ներսիսյանը

Մարի Համբարչյանը

Արեն Համբարձումյանը

Խաղում ենք, հաշվում, տրամաբանում և մրցում

Նախագիծ՝  Դասարանի սովորողներով բաժանվում ենք 6 խմբերի: Յուրաքանչյուր խումբ զբաղեցնում է իրեն հատկացված տեղը և համակարգիչները միացնում: Խաղ-մրցույթը ընդգրկում է թեմաներ մաթեմատիկայից, տրամաբանությունից, փայտիկներով կառուցումներից, նույնիսկ հարցեր կլինեն այլ բնագավառներից, օրինակ սպորտից, աշխարհից(քանի որ մեր սովորողները շատ են սիրում նաև այս թեման): Սկզբնական 3 փուլ կունենանք, յուրաքանչյուր փուլ բաղկացած կլինի 3-ական կամ 2-ական հարցերից: 3 փուլերի ավարտից հետո առավելագույն միավորներ հավաքած 3 թիմերը կսկսեն մրցել միմյանց հետ՝ հաղթողին պարզելու համար: Իսկ դուրս մնացած  3 թիմերը կմրցեն պարզելու այն արժանի թիմին, որը հետագա մեր այսպիսի նախագծերի ընթացքում կլինի 4-րդը, ով ընդունակ կլինի մրցելու միջդասարանական, ինչու չէ նաև միջդպրոցական այսպիսի մրցումների:

Նպատակը՝ Սովորողների շրջանում զարգացնել մտածողությունը, արագ կողմնորոշվելու ընդունակությունը, թիմային խաղում դրսևորվելու հատկությունը:

Դասարանը՝ 4-րդ

Մասնակիցներ՝

Խումբ 1

1. Կարապետյան Նարե
2. Համբարչյան Մարի
3. Մարտիրոսյան Մոնիկա
4. Անջոմանի Հասթի

 

Խումբ 2

1. Ներսիսյան Արա
2. Խաչատրյան Գայանե
3. Սարգսյան Մարի
4. Հովասափյան Սամվել

 

Խումբ 3

1. Գաբոյան Կորյուն
2. Գևորգյան Արսեն
3. Խաչատրյան Աշոտ
4. Մամիկոնյան Տաթև
5. Ալեքսանյան Աստղիկ

 

Խումբ 4

1. Մարկոսյան Արեգ
2. Սարգսյան Հայկ
3. Սարիբեկյան Արուսյակ
4. Ղազանչյան Անգելինա

 

Խումբ 5

1. Համբարձումյան Արեն
2. Դանիելյան Գրիգորի
3. Արևշատյան Վիկա
4. Օրդյան Տաթև
5. Ավետիյան Տիգրան

 

Խումբ 6

1. Մանուկյան Գուրգեն
2. Գևորգյան Իշխան
3. Խանլյան Մհեր
4. Գևորգյան Ալեքս

 

Ժամկետը՝ ապրիլի 26 ,   ժամը՝ 11:00-12:30

Ընթացքը՝

• բացատրում եմ  խաղ-մրցույթի կանոնները
• բաժանվում ենք խմբերի
• տրվում են հարցերը
• ստացված արդյունքները գրանցում ենք  համակարգչի մեջ

Անհրաժեշտ պարագաներ՝  համակարգիչ

Արդյունքները՝ լուսաբանումներ սովորողների բլոգներում

Ապրիլյան,հատակագծային նախագիծ

   Այսօր 4-րդ դասարանի հետ նախագիծ իրականացրեցինք, որն անմիջականորեն վերաբերում էր մեր նախորդ նախագծին: Ունենալով ստացված տվյալներ, օրինակ դպրոցի միջանցքի երկարության չափը՝ 46 մ, կամ օրինակ մարզադահլիճի  երկարությունը՝ 13 մ , լայնությունը՝ 10մ, մենք պետք է փորձեինք դպրոցին համապատասխան հատակագիծ ստանալ: Իհարկե, որոշ տվյալներ դեռևս պարզաբանման կարիք ունեն, որոնք կներկայացնենք շուտով:

This slideshow requires JavaScript.

Իրենց բլոգներում լուսաբանել են՝

Հայկ Սարգսյանը

Արեն Համբարձումյանը

Աստղիկ Ալեքսանյանը

 

Հատակագծային նախագիծ

Նախագիծ՝  Մակերեսների հաշվարկային նախագծից ստացված արդյունքների հիման վրա  համապատասխան հատակագծի կառուցում

Նպատակը՝ Երեխաներին պատկերավոր ցույց տալ, թե ինչպես են կառուցվում և գծվում հատակագծերը:

Դասարանը՝ 4-րդ դասարան

Ժամկետը՝ ապրիլի 17

Ընթացքը՝

• բացատրում եմ  մեր անելիքները
• բացատրում եմ, թե ինչ է հատակագիծը
• սկսում ենք հատակագծի ստացման աշխատանքները
• ստացված արդյունքները գրանցում ենք մեկ համակարգչի մեջ

Անհրաժեշտ պարագաներ՝  քանոն,  համակարգիչ

Արդյունքները՝ լուսաբանումներ սովորողների բլոգներում

Նախագիծ- Դպրոցի ընդհանուր մակերեսի հաշվում

 

This slideshow requires JavaScript.

Այսօր 4-րդ դասարանի սովորողների հետ ունեցանք նախագիծ, որը վերաբերում էր մակերեսների հաշվում թեմային: Երեխաները դպրոց էին հաճախել մեծ հետաքրքրությամբ և լավ պատրաստված: Գրեթե բոլորը իրենց մոտ ունեին մետրաչափ և այլ պետքական պարագաներ:

   Դուրս եկանք դպրոցի բակ, ես երեխաներին բացատրեցի մեր անելիքները: Բաժանվեցինք խմբերի, յուրաքանյուր խմբի տրվեց կոնկրետ տարածք՝ մակերեսի հաշվման համար: Երեխաները մեծ ոգևորությամբ հաշվարկներ էին կատարում: Հասցրեցինք այդ կարճ ժամանակահատվածում չափել առաջին հարկի գրեթե բոլոր օբյեկտների մակերեսները: Մեր հաջորդ անելիքը տրված չափումներով համապատասխան հատակագիծ գծելն է:

Իրենց բլոգներում լուսաբանել են՝

Արսեն Գևորգյանը

Իշխան Գևորգյանը

Արեն Համբարձումյանը

Մարի Համբարչյանը

Արա Ներսիսյանը

Կորյուն Գաբոյանը

 

 

Նախագիծ-Կոմունալ հաշվարկների վերաբերյալ

 

 

This slideshow requires JavaScript.

Մեր այսօրվա հաջորդ նախագիծը, որը պարբերական բնույթ պետք է կրի, կոմունալ հաշվարկների նախագիծն է: Սովորողներին բացատրեցի մեր նախագծի իմաստը, կարևորությունը, մեր անելիքները և հետագա քայլերը: Նախ սկզբից դպրոցի գրասենյակից վերցրեցինք որոշ տվյալներ, որոնք կուղղորդեն մեզ մեր նախագծի գործունեության սկզբնական շրջանում: Դպրոցի պահակից ճշտեցինք, թե որտեղ են գտնվում դպրոցի գազի և ջրի ցուցիչները:

  Իմացանք վայրերը և շարժվեցինք նշված ուղղություններով: Գնացինք նկուղ , այնտեղից վերցրեցինք ջրի տվյալները, իսկ դպրոցի ձախ թևից գազի տվյալները: Վերցված տվյալներից նախ պարզեցինք, թե այսօր ինչքան էր կազմում մեր դպրոցի կոմունալը :  Դրանից հետո հաշվեցինք դպրոցի ամսական ծախսերը: Երեխաները ստացված թվերից զարմացան, բայց դա բնական է դպրոցի համար: Այս տվյալները շատ կարևոր դեր կխաղան մեր այս նախագծի համար: Այն կհամեմատենք մեր հաջորդ ամսվա տվյալների հետ, խիստ տարբերություններ նկատելով, պետք է պարզաբանումներ անել: Հաշվարկներ կանենք նաև 10-օրյա պարբերականությամբ՝ ընթացքին ծանոթանալու համար:Այսօրվա նախագիծը կրում էր ներածական բնույթ:

Իրենց բլոգներում լուսաբանել են՝

Իվետա Մեյթարջյանը

Գայանե Բալաբանյանը

Լևոն Ավետիսյանը

Մանե Հովհաննիսյանը

Սարգիս Ղազարյանը

Նախագիծ-Ծավալների հաշվարկ

 

 

This slideshow requires JavaScript.

Այսօր 5.1 դասարանի հետ ունեցանք նախագիծ, որը վերաբերում էր ծավալների հաշվարկին: Այն կրում էր գործնական բնույթ, քանի որ մենք արդեն գիտեինք ծավալների հաշվման տեսական մասը:

Ես երեխաներին բացատրեցի մեր նախագծի նպատակը, տվեցի հանձնարարականներ և անցանք մեր աշխատանքի կատարմանը: Նշվեց, որ ամեն սովորող պետք է գտնի 2 առարկա և չափումներ կատարելով հաշվի ծավալը: Սակայն երեխաների խնդրանքով խմբերով սկսեցինք աշխատել:

Սովորողները ընտրեցին   դրսում դրված պլաստիկ շշերի տարան և հաշվեցին ծավալը: Արդյունքները գրանցվեցին, որ հետագայում խնդիր առաջադրվի օգտվելով վերջինիցս՝ թե քանի շիշ պետք է ամենաքիչը լցնել այդ տարա՝առանց տրորելու: Հաշվեցինք դրսում դրված ծաղկամանի, խորանարդաձև արկղի ծավալները:

Դրսում կար աղյուսների մեծ քանակություն: Խնդիր տվեցի հաշվել աղյուսի ծավալը:  Դպրոցին կից կա նաև ավտոտնակ: Դրա ծավալը նույնպես հաշվեցինք: Հիմա առաջադրվեց մտովի լցնել ավտոտնակը այդպիսի աղյուսներով: Երեխաները անմիջապես հաշվեցին և քանակը ասեցին ավտոտնակը լցնելու համար: Այդպիսի փորձ դասասենյակի համար կատարեցինք: Այն լցնելու համար բնականաբար տեսանք, որ ավելի շատ աղյուսներ են հարկավոր: Համեմատեցինք ստացված արդյունքները:

Իրենց բլոգներում լուսաբանել են՝

Իրինա Գյուրջինյանը

Գոհար Բարսեղյանը

Գոռ Տոռոզյանը

ՌաֆՖաել Բալասանյանը

Աննա Սմբատյանը

Կիրառական նախագիծ

Նախագիծ՝  Միջին դպրոցի 1-ին հարկում կատարել չափումներ՝ հիմքում ունենալով ռացիոնալ թվերից և մակերեսների հաշվարկից ունեցած գիտելիքները: Երեխաները բաժանվում են խմբերի և սկսում են հաշվել սենյակների մակերեսները: Մեր առջև դնում ենք խնդիր՝ սալիկապատելու բոլոր սենյակները: Կատարում ենք հաշվարկներ:Նաև ըստ չափումների գծում ենք հատակագիծ:

Նպատակը՝ Երեխաների շրջանում առավել կիրառական դարձնել գիտելիքները ռացիոնալ թվեր և մակերեսներ հաշվելու տեսանկյունից:

Դասարանը՝ 6.1 դասարան

Ժամկետը՝ ապրիլի 4

Ընթացքը՝

• բացատրում եմ  մեր անելիքները
• հիշեցնում ռացիոնալ թվեր հաշվումը
• հանգիստ իջնում ենք 1-ին հարկ՝ սկսելով մեր աշխատանքը
• ստացված արդյունքները գրանցում ենք մեկ համակարգչի մեջ

Անհրաժեշտ պարագաներ՝  մետրաչափ, համակարգիչ