Հեռավար-առցանց ուսուցման վերջին 2 շաբաթները նվիրել ենք մաթեմատիկայի ստուգատեսի անցկացմանը: Իմ կողմից տրվել են թեստեր՝ 1 հատն ինքնուրույն կատարել են սովորողները, որը իմ կողմից ստուգվել ու ուղարկվել է սովորողներին: Դրան հաջորդող տեսադասը նվիրել ենք այդ թեստի քննարկմանը: Իսկ մյուս թեստերը առցանց քննարկել ու կատարել ենք՝ ստուգելով մեր ամբողջ ուսումնական տարվա գիտելիքների մակարդակը:
Ընթացքը՝ Սովորողները կատարում են ներքոհիշյալ առաջադրանքները, իրենց մոտ բլոգում տեղադրում են(լավ կլինի առաջադրանքները և՛ կատարեն, և՛ տեսանկարահանեն): Ուղարկում են ինձ:Այնուհետև հանդիպում ենք առցանց և քննարկում:
Խնդիր 1.ԻՆԸ ԼՈՒՑԿՈՒՑ
9 լուցկուց կազմել 6 քառակուսի(թույլատրվում է մի լուցկին դնել մյուսի լայնությամբ):
Խնդիր 2.ՊԱՐՈՒՅՐ
35 լուցկուց կազմված է մի պատկեր, որը նման է <<պարույրի>>(տես ներքևի նկարը):Տեղափոխեք 4 լուցկի այնպես, որպեսզի ստացվի 3 քառակուսի:
Խնդիր 3. <<ՏԱՆ>> ՃԱԿԱՏԸ
<<Տան>> ճակատը սարքված է տասնմեկ լուցկուց(տես ներքևի նկարը): Տեղափոխելով 2 լուցկի, կարելի է ստանալ 11 քառակուսի, իսկ տեղափոխելով 4 լուցկի, կարելի է այդ նույն <<տունը>> դարձնել այնպիսի պատկեր, որը բաղկացած է 15 քառակուսիներից: Պատրաստեցեք:
Նպատակը՝ Սովորողներին հնարավորություն տալ ստուգելու սեփական գիտելիքի սահմանը, կիրառել ձեռք բերվածը նախագծում: Տրամաբանություն զարգացնել, արագ մտածելու հնարավորություն տալ:
Ընթացքը՝ Սովորողները ըստ իրենց ցանկության ընտրում են ընտանիքի կրտսեր անդամներից(քույր, եղբայր) մեկին,մաթեմատիկական կամ տրամաբանական 5 հարց ուղղում իրեն, այնուհետև քրոջ կամ եղբոր կողմից ստանում են նմանատիպ 5 հարց:Վերջում հայտարարում են , թե ով առավելագույն քանակի հարցերին պատասխանեց: Այս ամենը մի փոքր տեսանյութի են վերածում: Եթե սովորողը հասակակից քույր կամ եղբայր չունի, կարող է տատիկի,պապիկի, ծնողի հետ բլից հարցում անել:
Ընթացքը՝ Սովորողներն ընտրում են որևէ ճարտարապետական հուշակոթող կամ կառույց, ուսումնասիրում նրա հետ կապված մաթեմատիկական տվյալները, հետաքրքիր փաստերը, գրառում իրենց բլոգում: Կիսվում տպավորություններով:
Օրինակ՝
Աշտարակի շինարարության համար պահանջվել է մոտ 200 տարի:Նախատեսված է եղել, որ աշտարակը պետք է լինի ուղղաձիգ, սակայն շինարարների սխալի պատճառով հիմնվելուց կարճ ժամանակ անց սկսել է թեքվել։Աշտարակի բարձրությունը գետնից 56.67 մ է, հիմքի մոտ պատերի հաստությունը 2.44 մ է, քաշը կազմում է 14 500 տոննա:Աշտարակն ունի 296 աստիճան։