Թեմա 1․
Ուսումնական առարկայի ուսուցման նպատակը և խնդիրները
Հատկացվող ժամաքանակը-2ժամ:
Բովանդակային մասը.
«Մաթեմատիկա» առարկայի կրթական ծրագրի նկարագրությունը, առանձնահատկությունները, կազմակերպումը:
Գործնական աշխատանք 1.
- Հանրակրթական պետական չափորոշիչը կարդալ, դուրս բերել մաթեմատիկա կրթական ծրագրին վերաբերող դրույթները։ Քննարկում, կատարել դիտարկումներ, առաջարկներ։
ՄԻՋՆԱԿԱՐԳ ԿՐԹՈՒԹՅԱՆ ՇՐՋԱՆԱՎԱՐՏԻ ԱԿՆԿԱԼՎՈՂ ԿԱՐՈՂՈՒՆԱԿՈՒԹՅՈՒՆՆԵՐԸ ԵՎ ՀԱՆՐԱԿՐԹԱԿԱՆ ՀԻՄՆԱԿԱՆ ԾՐԱԳՐԵՐԻ ՈՒՍՈՒՄՆԱՌՈՒԹՅԱՆ ԱԿՆԿԱԼՎՈՂ ՎԵՐՋՆԱՐԴՅՈՒՆՔՆԵՐԸ
- Մաթեմատիկական և գիտատեխնիկական կարողունակություն. սովորողներն առօրյա կյանքում օգտագործում են մաթեմատիկական մտածողություն՝ բնության, հասարակության, մշակույթի և աշխատանքային ոլորտի երևույթները ճանաչելու և դրանք մաթեմատիկական կառուցվածքների, բանաձևերի, մոդելների, կորերի, աղյուսակների միջոցով հասկանալու համար։ Աշակերտները կարողանում են ընկալել և արդյունավետ կիրառել վերացարկված և ընդհանրացված հասկացությունները և ճանաչել իրականության մեջ դրանց արտացոլումները: Նրանք ընկալում են բնագիտական մտածողության և աշխատանքի, ինչպես նաև տեխնիկական առաջընթացի միջև եղած փոխադարձ կապը։ Աշակերտներն ընկալում են տեխնոլոգիական գիտելիքի կիրառման հնարավորությունները մարդու պահանջմունքների համատեքստում, ճանաչում են մարդու գործունեության արդյունքում ի հայտ եկող փոփոխություններն ու սեփական պատասխանատվությունը.
ՀԱՆՐԱԿՐԹԱԿԱՆ ՏԱՐՐԱԿԱՆ ԾՐԱԳՐԻ ՇՐՋԱՆԱՎԱՐՏԻ ՈՒՍՈՒՄՆԱՌՈՒԹՅԱՆ ԱԿՆԿԱԼՎՈՂ ՎԵՐՋՆԱՐԴՅՈՒՆՔՆԵՐԸ
օգտագործի ունեցած գիտելիքները և հմտությունները օբյեկտները չափելու, հաշվելու, համեմատելու, նկարագրելու, դրանց քանակական, որակական և տարածական պարզ հարաբերակցությունները գնահատելու համար.
- ճանաչի և պատկերի որոշ երկրաչափական պատկերներ, ունենա պարզ տարածական պատկերացում.
- կառուցի ֆիզիկական և մաթեմատիկական պարզ մոդելներ.
- գրավոր և բանավոր կատարի գործողություններ թվային արտահայտությունների հետ
- մտքերն արտահայտելիս բերի պարզ հիմնավորումներ, կատարի ընդհանրացումներ և պարզ դասակարգումներ.
- դրսևորի տրամաբանական և ստեղծագործական մտածողություն, կարողանա անդրադառնալ ու արձագանքել սեփական և ուրիշների ստեղծած աշխատանքին.
- հասկանա իր առջև դրված խնդիրը, մշակի և կատարի քայլեր այն լուծելու համար.
ՀԱՆՐԱԿՐԹԱԿԱՆ ՀԻՄՆԱԿԱՆ ԾՐԱԳՐԻ ՇՐՋԱՆԱՎԱՐՏԻ ՈՒՍՈՒՄՆԱՌՈՒԹՅԱՆ ԱԿՆԿԱԼՎՈՂ ՎԵՐՋՆԱՐԴՅՈՒՆՔՆԵՐԸ
- իրականացնի չափումներ, կատարի մոտավոր ու ճշգրիտ հաշվարկներ և գնահատի արդյունքները՝ ընտրելով և օգտագործելով համապատասխան հասկացություններ, սկզբունքներ, նյութեր և սարքավորումներ.
- կիրառի երկրաչափական պատկերների և մարմինների մասին գիտելիքներն ամենօրյա կյանքում և հարակից ուսումնական առարկաներն ուսումնասիրելիս.
- կառուցի և կիրառի տարբեր մաթեմատիկական մոդելներ, լուծի խնդիրներ՝ օգտագործելով պարզ ալգորիթմներ և տրամաբանական հիմնավորումներ.
- որոշի խնդրի լուծման համար անհրաժեշտ տեղեկույթը, գտնի խնդիրների լուծման ստեղծագործ մոտեցումներ և համեմատի դրանք.
- վերլուծի, գնահատի և առաջարկի դասակարգման, տարբերակման կամ խմբավորման չափանիշներ՝ ելնելով խնդրի պահանջից.
ՀԱՆՐԱԿՐԹԱԿԱՆ ՄԻՋՆԱԿԱՐԳ ԾՐԱԳՐԻ ՇՐՋԱՆԱՎԱՐՏԻ ՈՒՍՈՒՄՆԱՌՈՒԹՅԱՆ ԱԿՆԿԱԼՎՈՂ ՎԵՐՋՆԱՐԴՅՈՒՆՔՆԵՐԸ
- համադրի և վերլուծի տարբեր մաթեմատիկական մոդելներ ծանոթ և անծանոթ իրավիճակներում.
- կիրառի տարածական մարմինների մասին գիտելիքները կյանքում և տարբեր ուսումնական առարկաներ ուսումնասիրելիս.
- մշակի խնդիրների արդյունավետ լուծումներ՝ կազմելով, կիրառելով տարբեր բարդության ալգորիթմներ, տրամաբանական դատողություններ և ֆիզիկական մոդելներ.
ՀԱՆՐԱԿՐԹԱԿԱՆ ՀԻՄՆԱԿԱՆ ԾՐԱԳՐԵՐԻ ԲՈՎԱՆԴԱԿՈՒԹՅՈՒՆԸ
բնագիտություն, տեղեկատվական հաղորդակցական տեխնոլոգիաներ, ճարտարագիտություն, մաթեմատիկա (ԲՏՃՄ). բնագիտական, տեխնոլոգիական, ճարտարագիտական և մաթեմատիկական մի շարք առարկաներով ներկայացված, ինտեգրված ուսումնառության բնագավառ է, որը միտված է բնագիտամաթեմատիկական գիտելիքների ձեռքբերմանը և կիրառմանը, ինչպես նաև հետազոտական, դիտարկման և վերլուծական հմտությունների, խնդիրների լուծման, տրամաբանական, քննադատական և ստեղծագործական մտածողության, նախաձեռնողականության, հաղորդակցության և թվային գրագիտության հմտությունների զարգացմանը, այդ թվում` աջակցող տեխնոլոգիաների կիրառմամբ.
ՀԱՆՐԱԿՐԹԱԿԱՆ ԸՆԴՀԱՆՈՒՐ ՊԵՏԱԿԱՆ ԾՐԱԳՐԻ ԱՌԱՐԿԱՅԱՑԱՆԿԻ ՁԵՎԱՎՈՐՄԱՆ ՀԻՄՆԱԿԱՆ ՍԿԶԲՈՒՆՔՆԵՐԸ
- Մաթեմատիկան 1-6-րդ դասարաններում ներկայացվում է մեկ ինտեգրված առարկայով, 7-9-րդ դասարաններում և 10-12-րդ դասարաններում՝ առանձին մաթեմատիկական առարկաներով, ինչպես նաև 2-4-րդ դասարաններում մաթեմատիկական մտածողությունը, քննադատական մտածողությունը, կանխատեսումներ կատարելու ունակությունները շախմատ խաղը ուսուցանելու միջոցով զարգացնող առանձին առարկայով,
Թեմա 2․ Խմբային աշխատանքի իրականացումը ուսումնական առարկայի ուսուցման ընթացքում:
Հատկացվող ժամաքանակը-3 ժամ:
Բովանդակային մասը.
Խմբային աշխատանքները ուսումնական գործունեության կազմակերպման մեջ՝
- Խմբային աշխատանքներ
- Համագործակցային նախագծեր
- Ընտանեկան նախագծեր
Գործնական աշխատանք 2.
- Ներկայացնել խմբային աշխատանքի կազմակերպման սեփական փորձը, նշել հաջողած կետերը, գրել, թե ինչը կփոխեիք կազմակերպման մեջ, եթե կրկին այն պլանավորեիք։
Կներկայացնեմ իմ և կոլեգայիս հաջողված փորձը խմբային աշխատանքների մասով: Ստորև ներկայացված է նախագիծը,արդյունքները՝
Կրթահամալիրի հունիսյան ճամբարի ժամանակ կազմակերպեցինք տրամաբանական խմբային մրցույթ մեզ հյուրընկալած ճամբարական սովորողների և մեր ճամբարականների միջև: 4 խմբերի միջև տեղի ունեցավ մրցույթը: Նրանք էին՝ Ծաղկունքի, Զովաբերի, Կրթահամալիրի սովորողներից ձևավորված 2 խմբերի ճամբարականները: Մրցույթը լուսաբանվեց կազմակերպիչ Գոհար Եղոյանի կողմից: Սովորողները մեծ ոգևորությամբ էին մասնակցում մրցույթին: Պիտի նշեմ ,որ բոլոր խմբերն էլ այնքան գեղեցիկ էին հարցերին պատասխանում, որ մենք չկարողացանք հաղթողին պարզել:Ներքոհիշյալ ֆոտոշարն է՝
Իրականում խմբային աշխատանքի ժամանակ որոշ սովորողներ չեն հասցնում ինտեգրվել աշխատանքին, հատկապես երբ ինտելեկտուալ խաղ ես կազմակերպում ու ժամանակային առումով խնդիր կա: Դա բացասական կողմն է այսպիսի աշխատանքների: Բայց կարելի է դեր տալ այդպիսի սովորողներին և խնդիրը կլինի լուծելի:
Լրացուցիչ։ Կարդալ նշված հոդվածները․
Ընտանեկան դպրոց․ մանկավարժական օգնություն-Սուսան Մարկոսյան
Համագործակցային ուսուցման հնարավորությունները-Հասմիկ Ղազարյան
Խմբային նախագծի կազմակերպում-Մարինա Ստուպնիցկայա
Թեմա 3․ Լաբորատոր և/կամ գործնական, նախագծային աշխատանքների կազմակերպումը ուսումնական առարկայի դասերին
Հատկացվող ժամաքանակը-5 ժամ:
Բովանդակային մասը.
- Նախագծային ուսուցում (նախագծերի տեսակները, նախագծին ներկայացվող պահանջներ, նախագծի կառուցվածք)։
- Ճամփորդությամբ ուսուցում (նպատակը, խնդիրները, կազմակերպումը, կրթահամալիրում ճամփորդության կազմակերպման կարգը):
Գործնական աշխատանք 3.
- Կազմել մեկ նախագիծ, այն իրականացնել սովորողների հետ, ընթացքը և արդյունքները վերլուծել։
Ուս. շրջանների ընթացքում ունեցել ենք նախագծեր, որոնցից առանձնացնում եմ հատկապես համագործակցային նախագծերը: Որպես այդպիսին իրականացրել ենք նախագծեր Հարավային դպրոցի ,Արևելյան դպրոցի, ինչպես նաև Միջին դպրոցի դասավանդող Զարինեի Փանյանի դասարանների միջև: Բուն բովանդակությունը հղումների տակ կարող ենք ուսումնասիրել:Տեսանկարահանվել է նաև ուղիղ եթերների միջոցոցով Գոհար Եղոյանի և Հարավային դպրոցի դասվարների կողմից: Միայն կարող եմ նշել,որ այս նախագծերի միջոցով ամեն անգամ գիտելիքի նոր պաշարով են հարստացել բոլոր կողմերը,այդ թվում նաև մենք՝ դասավանդողներս:
Որպես հաջողված նախագծեր պիտի նշեմ նաև ճամփորդությունները, որոնք և հայրենագիտական էին(Լոռի՝Ալավերդի,Տավուշ՝Դիլիջան); և բարձունքի հաղթահարում(Արատես, Արագած, Թեղենիս), ռազմամարզական(Արատես)…
- Կազմել մեկ ճամփորդության նախագիծ, այն իրականացնել սովորողների հետ, ընթացքը և արդյունքները վերլուծել։
Պլանավորում ենք հոկտեմբերի 21-23 իրականացնել ճամփորդություն դեպի Գյումրի, արդյունքը կներկայացնեմ
- Կարդալ ստորև հոդվածները, մեթոդական մշակումները։ Դրանցից մեկը գրախոսել։
Ուսումնական նախագծի մշակման և իրականացման կարգ
«Մաթեմատիկա» ամսագրի ծնունդը— ԼիանաՀակոբյան
«Նախագծային ուսուցում. տեսություն և փորձ»-Աշոտ Տիգրանյան
«Նախագծային ուսուցումը՝ որպես փորձարկված, կիրառելի, գործող մանկավարժություն «Մխիթար Սեբաստացի» կրթահամալիրում»-Մարգարիտ Սարգսյան
Ուսուցման նախագծային մեթոդ — Նունե Մովսիսյան
Չփակվող նախագծեր` շարունակական գործունեություն-Հասմիկ Ղազարյան
Երկրորդ շաբաթ
Թեմա 4․ Միջառարկայական կապերի օգտագործումը և ինտեգրված դասերի կազմակերպումը:
Հատկացվող ժամաքանակը-5 ժամ
Բովանդակային մասը.
- Ինտեգրված գործունեություններով նախագծեր․
- Մաթեմատիկա+ բնագիտական առարկաներ
- Մաթեմատիկա+ oտար լեզու, թարգմանություն
- Մաթեմատիկա + ՏՀՏ
- Ուսումնական ճամբարներ:
Գործնական աշխատանք 4.
Կազմել ինտեգրված գործունեություններով մեկ նախագիծ, այն իրականացնել սովորողների հետ, ընթացքը և արդյունքները վերլուծել։
Կարդալ,ծանոթանալ։
Ուսումնական ճամբարների ընթացքում ունեցել ենք բազմաթիվ նախագծեր, որոնց ընթացքում կիրառել ենք բոլոր ուղղությունները:Նրանցից մեկը թարգմանական նախագիծն է, որն իրենից ենթադրում է հետևյալը, սովորողը պիտի ներկայացնի 1 մաթեմատիկական խնդիր իր լուծումը,որի թարմգմանությունն իրականացրել է անգլերենից՝իր ուսուցչի վերահսկողությամբ: Կամ օրինակ ունեցել ենք մրցութային համակարգչային մաթեմատիկական խաղեր,որոնք ՏՀՏ գիտելիքների բազայի հիման վրա ենք իրականացրել:Ուղարկում եմ նախագիծը իր արդյւնքներով:
Թեմա 5․ ՏՀՏ օգտագործումը ուսումնական առարկայի դասարանական և արտադասարանային պարապմունքների ժամանակ
Հատկացվող ժամաքանակը-2ժամ:
Բովանդակային մասը.
- Բլոգային ուսուցում, բլոգավարություն (դասավանդողի, սովորողի բլոգին ներկայացվող պահանջներ, դասավանդողի նախագծային փաթեթ, աշխատանքային նախագիծ)
- Geogebra, math-o-mir ծրագրերի կիրառումը դասապրոցեսին։
Գործնական աշխատանք 5.
- Ծանոթանալ Geogebra ծրագրով պատրաստված ուսումնական նյութերին —Դինամիկ երկրաչափություն /Հերմինե Անտոնյան և ընկերներ/։
- Ծանոթանալ Geogebra ծրագրին, ներկայացնել մեկ դասի օրինակ Geogebra ծրագրով։
- Կարդալ բլոգային ուսուցում «Մխիթար Սեբաստացի» կրթահամալիրում» հոդվածը, գրել սեփական դիտարկումները բլոգային ուսուցման առավելությունների մասին և հրապարակել բլոգում: Աշխատանքը կատարել օգտվելով նշված հղումներից
Մանկավարժական աշխատողի բլոգին ներկայացվող պահանջներ։
Սովորողի բլոգին ներկայացվող պահանջներ։
Հեռավար ուսուցման կազմակերպման կարգ։
Առցանց ուսումնական պարապմունքի կազմակերպման կարգ։
Լրացուցիչ։Կարդալ, ծանոթանալ։
ՏՀՏ-ն կրթական ծրագրերում
Անվճար մեդիագործիքներ բլոգերների համար — կազմեց Հերմինե Անտոնյան
Թեմա՝ 6. Ուսումնական առարկայի ուսուցման գործընթացում սովորողների արժեհամակարգի ձևավորում
Հատկացվող ժամաքանակը-2ժամ:
Բովանդակային մասը.
Առավոտյան ընդհանուր պարապմուններ,մշակույթ, արժեքներ, նախասիրություններ, հետաքրքրություններ:
Գործնական աշխատանք 6.
- Անդրադարձ առարկայական չափորոշչով սահմանված հանրակրթության հիմնական ծրագրերի բովանդակության բաղադրիչներից արժեհամակարգի ձևավորման բաղադրիչին:
- Կարդալ ստորև մեթոդական մշակումները։ Դրանցից մեկը գրախոսել.
«Ընդհանուր պարապմունքի կազմակերպման կարգ»
Մանկավարժությունը իմ պատկերացմամբ:
Առավոտյան ընդհանուր պարապմունք
Մասնակցում եմ առավոտյան ընդհանուր պարապմունքներին և կարծում եմ ,որ լավ օրվա սկզբի համար կարևոր խթան է այն: Խմբային երգերը, պարերը հայրենասիրական ոգով են դաստիարակում մեր սերունդներին մերզ համար կարևոր ու բարդ այս ժամանակաշրջանում: Սա մյուս կողմից էլ արթնացնող ու սթափեցնող մի միջոց է երկար օրվա համար: Սակայն պիտի նշեմ, որ անհրաժեշտություն է երբեմն առաջանում նորություններով հանդես գալ,որովհետև այն ինչ երկար ժամանակ հրամցվում է, փոփոխությունները ուղղակի անխուսափելի պիտի լինեն, որպեսզի արդարացված լինի պրոցեսը:
Թեմա 7․ Սովորողների ճանաչողական հմտություններ, գործնական կարողություններ ձևավորող և ստեղծագործական մտածողությունը զարգացնող առաջադրանքների կիրառումը:
Հատկացվող ժամաքանակը-2ժամ:
Բովանդակային մասը.
ուսումնական նյութերին ներկայացվող պահանջներ, Մեդիագրադարան
Գործնական աշխատանք 7.
Քննարկում.
Ուսումնական նյութերի ստեղծում, ուսումնական նյութի ստեղծման պահանջների արձանագրում
Այլոց ստեղծած ուսումնական նյութի փորձարկում
/ ընտրությունը կատարել Մեդիագրադարանից/։
Օրինակներ՝
Ով է ուզում դառնալ միլոնատեր
Մաթեմատիկական խաչբառերի փաթեթ
Բլոգում ներկայացրեք Ձեր կազմած ուսումնական նյութերից որևէ մեկի փորձարկման արդյունքները (առավելությունը, թերությունները, բացթողումը, զարգացումը):
Ներկայացնում իմ և սովորողներիս ստեղծած փաթեթները,որտեղ մաթեմատիկական փազլներն ու խաչբառերը յուրովի են ներկայացվել յուրաքանչյուրի կողմից:Կից հղումը՝
Թեմա 8․ Սովորողների ուսումնական գործունեության միավորային և ձևավորող գնահատումը
Հատկացվող ժամաքանակը-3ժամ:
Բովանդակային մասը.
- ինքնագնահատում
- սովորողի անհատական պլան
- ստուգատեսներ, ցուցադրություններ, ցուցահանդեսներ, համերգներ
- ֆլեշմոբներ
Գործնական աշխատանք 8.
- Կարդալ հանրակրթության պետական չափորոշիչի «Սովորողի ուսումնառության արդյունքների գնահատման սկզբունքները» IX բաժինը:
- Ուսումնասիրել «Գնահատումը Մխիթար Սեբաստացի կրթահամալիրում» կարգը:
- Ներկայացնել գնահատման համակարգի սեփական փորձը։
Գնահատման վերաբերյալ կարծիքները ինչքան էլ,որ հակասական լինեն, այնուամենայնիվ ես կարծում եմ,որ ուսումնական գործունեության անբաժանելի մասն են դրանք: Սա սովորողին և՛ սթափեցնող, և՛ խրախուսող միջոցներ են: Եթե այնուամենայնիվ որոշվի հակառակը, կարծում եմ պիտի մշակվի դրան փոխարինող այլ կարգ: Այդուհանդերձ ինձ մոտ գնահատական ձևավորվում է 2 մասով՝ խրախուսանք,թեկուզ հասարակ ապրեսի միջոոցով և թե գնահատանիշի միջոցով: Գնահատանիշը ձևավորվում է ինձ մոտ հետևյալ սկզբունքով՝
- բլոգային աշխատանք
- ինքնաստուոգւմ
- ֆլեշմոբ
- մասնակցություն
Կրթահամալիրում գնահատում ասվածը փոքր ինչ այլ կերպ է ընկալվում: Սովորողին կարող ես գնահատել, ոգևորել խոսքերով՝ ասենք նրա ճիշտ կատարված աշխատանքներին ի պատասխան փոստով կրել «Կեցցե՛ս»: Սովորողը նիշային գնահատական ստանում է ամենամսյա ինքնաստուգումներից միայն, այսինքը դասավանդողը առաջադրում է աշխատանք, որը սովորողը կատարում է և ինքը իրե
Կարևոր է, որ յուրաքնաչյուր սովորող սովորի ո՛չ թե գնահատականի, այլ գիտելիքներ և հմտություններ ձեռք բերելու համար:
Lրացուցիչ։ Կարդալ, ծանոթանալ։
- Մաթեմատիկա առարկայից Ֆլեշմոբի կազմակերպման կարգ
- Ուսումնական աշխատանքի գնահատման կարգ
- Ֆլեշմոբը որպես ուսումնական նոր մեդիագործիք-Լիանա Հակոբյան
- Ֆլեշմոբը դասապրոցեսում-Գևորգ Հակոբյան
Թեմա 9․ Դասավանդման ժամանակակից մոտեցումները, մեթոդները և ռազմավարությունները ուսումնական առարկայի համատեքստում
Հատկացվող ժամաքանակը-5ժամ:
Բովանդակային մասը․
- «Սովորող-սովորեցնող» նախագիծ
- անհատականացված ուսուցում, անհատական պլան
- ինքնակրթության նախագծեր
- սովորողի ընտրությամբ գործունեություն։
Գործնական աշխատանք 9.
Նայել մաթեմատիկական ֆլեշմոբի խնդիրները, ներկայացնել լուծումները
Խնդիրներ 1
Խնդիրներ 2
Ծանոթանալ ստորև նշված հոդվածներին, ուսումնական նյութերին.
«Ավագ դպրոցում սովորողի ինքնակրթության ծրագրի մշակման և իրականացման կարգ»
- «10-12-րդ դասարանում սովորողի անհատական ուսումնական պլանի կազմման կարգ»
- «Կամավորական գործունեությունը` «Սովորող-սովորեցնող» նախագծի զարգացում»-Նունե Մովսիսյան
- «Կրթական ինքնավարություն» նախագիծ-Աշոտ Տիգրանյան
- «Ինքնակրթություն» նախագիծը՝ որպես դասավանդողի ինքնակատարելագործման ուղի-Աշոտ Տիգրանյան
Ծանոթանալ Մխիթար Սեբաստացի կրթահամալիրի հեղիանկային ծրագրերին - Մաթեմատիկոսի ընտրությամբ գործունեություն-4-5, 6-8-րդ դասարաններ
Լրացուցիչ։ Ծանոթանալ։
Սովորող-սովորեցնող աշխատանքի մեկ օրինակ
Առաջադրում են խնդիրներ սովորղները, ներկայացնում են լուծումները սովորեցնելով ընկերներին։
Սովորող-սովորեցնող նախաագիծը ինձ մոտ շատ է կաևորվում:Հաճախակի հանդիպումներ ու փոխադարձ այցելություններ ենք կազմակերպում Հարավային ,Արևելյան դպրոցների հետ:Սովորողները մեծ ոգևորությամբ են մասնակցում այսպիսի ձևաչափով նախագծերին: